Lideri i opozitës, Lulzim Basha, në ditën e 59 të protestës së paprecedentë në historinë e pluralizmit shqiptar, i ka bërë paralajmërimin e fundit kryeministrit Edi Rama.
Ai i ka kujtuar protestën e madhe të 18 shkurtit, duke shtuar se tashmë njerëzit që morën pjesë aty janë shumëfishuar dhe janë bërë me qindra mijëra.
Në këtë diskurs ai tha sa kryeministri Edi Rama duhet t’i lutet Zotit, që nuk është këputur asnjë lule gjatë protestës së PD-së por shtoi se edhe mund t’i soset durimi dhe nuk do mundet dot që t’i bindë qytetarët që të mos këpusin asnjë lule.
“E vërteta është se jemi këtu por që të siguroj që është 10 herë më e madhe, dhe falju zotit që më ke mua përballë dhe nuk është prishur një lule dhe mos shpotit dhe tall opozitën pasi mund të më mbarojë edhe mua durimi dhe mund të mos i bind të mos këpusin asnjë lule”, tha Basha. Megjithatë, nga ana tjetër, Basha siguroi edhe një herë se kjo gjë nuk ka për të ndodhur, pasi protesta e opozitës është fytyra e re e Evropës.
