Prej disa ditësh tashmë, zona e Dibrës, Bulqizës dhe Klosit kanë ndërprerje të shpeshta të energjisë elektrike.
Në lidhje me këtë situatë, banorët e zonës ankohen pranë Bulqizaime.al se po i’u digjen elektro-shtëpiaket. Ata gjithashtu kanë bërë thirrje që OSHEE duhet të marrë përsipër dëmshpërblimin për dëmet e shkaktuara nga ndërprerjet e vazhdueshme të energjisë elektrike, që rezultojnë të ndodhin mbi 4-5 herë brenda një ore.
Nga OSHEE nuk ka sqarim publik për arsyet që çojnë në ndërprerjen e energjisë elektrike, pavarësisht se kjo situatë është e përsëritur edhe më parë.
