Pemët janë një faktor i rëndësishëm në mjedisin e një vendi. Në Shqipëri pyjet zënë rreth 28% të sipërfaqes. Gazeta Britanike “Telegraph” ka ndërtuar hartën e vendeve më të pyllëzuar dhe më pak të pyllëzuara, bazuar në të dhënat e fundit që ka Banka Botërore dhe Organizata e Bujqësisë e Kombeve të Bashkuara.
Krahasuar me vendet e rajonit Shqipëria ka përqindjen më të ulët pyjeve në raport me sipërfaqen e vendit.
Në Serbi sipërfaqja e pyjeve përllogaritet rreth 31% e totalit të vendit. Më pas renditet Maqedonia me 40% të sipërfaqes dhe Bosnja me 43%. Vendi me sipërfaqen më të madhe të pyjeve në raport me sipërfaqen është Mali i Zi, ku 61% e sipërfaqes së vendit përllogaritet të jenë pyje.
Në artikullin e Telegraph shkruhet se në pjesën më të madhe të shteteve sipërfaqja e pyllëzuar është reduktuar në tre vitet e fundit. Në vitin 1993 rreth 31.8% e sipërfaqes së globit ishte e mbuluar nga pyjet, në 2016-n ky raport është rreth 30.8%. Trendi i pakësimit të pyjeve ka vijuar edhe përgjatë këtyre viteve.
Vendet më të pyllëzuara
Aspak surprizë, vendet përqindjen më të lartë të pyjeve në raport me sipërfaqen janë ishujt tropikalë të Amerikës së Jugut, Karaibeve, Afrikës, Azisë Juglindore dhe Paqësorit, me Surinam, Mikronezinë, Palau, Gabon, Guajana, Samoa Amerikane dhe Ishujt Solomon.
Vendet e veriut Europës Veriore, gjithashtu kanë një përqindje të lartë të sipërfaqes së tyre të mbuluara nga pyjet si Finlanda (73.1 për qind sipërfaqe pyjore) në vendin e 11-të, Suedia (68.9 për qind) në vendin e 16-të, por edhe Japonia (68.5 për qind) në vendin e18-të.
Një e treta e Shteteve të Bashkuara klasifikohet si pyje, ndërsa në Britani sipërfaqja e pyllëzuar është 13 për qind.
Vendet më pak të mbushura me pemë
Ka pesë vende ku nuk do të gjeni pyje, sipas përkufizimit të Bankës Botërore si Nauru, San Marino, Katari, Grenlandë dhe Gjibraltar – ndërsa në 12 vende të tjera ka më pak se një për qind të sipërfaqes.
Disa nga vendet me pakësimin më të shpejtë të zonave pyjore që nga viti 1990 janë parë në ato vende ku pyjet janë më të përhapura. Brazili, për shembull, ka shkurtuar reduktuar sipërfaqen pyjore nga 65.4 për qind në 58.9 për qind. Mbulimi i pyjeve në Kolumbi ka rënë nga 58.1 për qind në 52.7 për qind.
