Emergjencat njoftojnë se rreziku i zjarreve është i madh në vend, pasi temperaturat mbeten ende të larta.
Në 24 orët e fundit ka patur 2 vatra zjarri në pyje në Dibër dhe Vlorë, me dëme të konsiderueshme. Në fshatin Zogjë, Njësia Administrative Shupenzë, Dibër, ka rënë zjarr në një sipërfaqe me pyll ahu. Për shkak të vështirësive të terrenit, puna për shuarjen e flakëve vijoi gjatë gjithë natës me mjete rrethanore. Si pasojë e zjarrit u dogj një sipërfaqe rreth 5 dynym me pyll ahu.
Ndërkohë, në fshatin Zvërnec, Njësia Administrative Qendër, Vlorë, ka rënë zjarr në një sipërfaqe pyjore me shkurre dhe pisha. Si pasojë e zjarrit u dogj një sipërfaqe rreth 2 dynym me shkurre dhe pisha si dhe një kabinë elektrike që ndodhej afër zjarrit pësoi dëme materiale.
Emergjencat Civile njoftojnë se në çdo prefekturë janë ngritur shtabet dhe janë në gadishmëri për të përballuar çdo situatë nga zjarret.
Qarku Dibër.
Në fshatin Zogjë, Njësia Administrative Shupenzë, Dibër, ka rënë zjarr në një sipërfaqe me pyll ahu. Shërbimi vendor i MZSH Dibër, ka shkuar në vendngjarje dhe ka punuar me mjete rrethanore gjatë natës deri në mëngjes për shuarjen e zjarrit për shkak të terrenit të thyer malor. Në ndihmë për shuarjen e zjarrit kanë shkuar dhe punonjës nga Agjencia e Zonave të Mbrojtura si dhe banorë të zonës. Pas një pune të gjatë zjarri është shuar. Si pasojë e zjarrit u dogj një sipërfaqe rreth 5 dynym me pyll ahu.
Qarku Vlorë.
Në fshatin Zvërrnec, Njësia Administrative Qendër, Vlorë, ka rënë zjarr në një sipërfaqe pyjore me shkurre dhe pisha. Shërbimi vendor i MZSH Vlorë ka shkuar në vendngjarje dhe ka punuar për shuarjen e zjarrit. Si pasojë e zjarrit u dogj një sipërfaqe rreth 2 dynym me shkurre dhe pisha si dhe një gabinë elektrike që ndodhej afër zjarrit pësoi dëme materiale.
Qarku Elbasan.
Në fshatin Malasenj, ka rënë zjarr tek një hotel. Shërbimi vendor i MZSH të bashkisë Elbasan ka dërguar në vendngjarje automjete zjarrfikës me personel, të cilët kanë shuar me shpejtësi zjarrin, i cili nuk ka krijuar dëme.
Ne çdo prefekture jane ngritur shtabet e emergjences dhe jane ne gadishmeri per te perballuar çdo situate.
Nderkohe Drejtoria e Përgjithshme e Emergjencave Civile perserit thirrjen ndaj të gjithë qytetarëve që në rast se konstatojnë zjarre, të njoftojnë menjëherë në numrat e emergjencave 112, 129, apo në Qendrën Kombëtare Operacionale të Emergjencave Civile në numrin 06941 10 198.
