Zyra e Bashkimit Evropian në Shqipëri teksa ka vlerësuar punën e gazetarëve përgjatë vitit 2016 është ndalur tek gazetaria investigative për të cilën ndau edhe tre çmime. Përfaqësuesi i BE-së në Tiranë, John Rudolph, vlerësoi vizibiletin e medias cilësore dhe inkurajoi gazetarët e rinj të zbardhin të vërtetat dhe ti japin peshë fjalës së lirë.
Gjatë vitit 2016 ishin të shpeshta rastet kur pas raportimeve në media zyrtarë shtetërorë kanë përfunduar në dyert e drejtësisë, apo janë zbuluar skandale me cilësinë e ushqimeve.
Në vlerësim të punës së bërë prej raporterëve, zyra e Bashkimit Evropian në Shqipëri ka ndarë çmimet për Gazetarinë Investigative për vitin 2016.
Përfaqësuesi i BE-së, John Rudolph, tha se çmimet shkojnë në vlerësim të punës së gazetarëve dhe për të përmirësuar vizibilitetin e medias cilësore.
Çmimet në vlerësim të punës investigative të gazetarëve shqiptarë jepen për çdo vit nga BE.
